Madeya 140-ê madeyeke destûrî ye

Serokê Kurdistanê Mesûd Barzanî bi vê minasebetê peyvek pêşkeşî beşdaran kir. Serok Barzanî di axaftina xwe de got ku, ew li herêma Kurdistanê yekparçeya axa Îraqê di parêzin û pêwîste hemû arîşe û pirsgirêkên di navbera alî û pêkhatên siyasî de hene li gor destûra Îraqê bên çareser kirin û destûr hakimê çareserkirina hemû piroblemên li Îraqê be:
- Pêwîste berjewendiyên Îraqê di ser hemû berjeweniyên din re bin.
Serok Barzanî di peyva xwe de tekîd li ser wê yekê kir ku, hemû arîşe bi rêya diyalogê bi aşitî bên çaerser kirin:
- Guhertina sîstemekê ji demokrasiyê bo diktatoriyê gelek hêsan, lê dê jiyê wê sîstemê yê kurt be. Ji ber hindê sîstema demokrasî ji bo hikumdariyê baştirîn sîsteme.

Derbarê madeya 140’ê de jî got:
- Madeya 140-ê madeyeke destûrî ye û çareserkirina wê dê alîkariya welêt bike û bibe qonaxa bihevrejiyanê, ji bo vê amancê jî daxwazê ji parlamentoya Iraqê dikin ku destûra Iraqê û madeya 140-ê aktîv bikin, çimkî bi rastî jî ev made di berjewendiya gelê Iraqê de ye.

Serokê Kurdistanê di dawiya axaftina xwe de got ku, ew hêvîdare ev konferense bibe faktorê pêkanîna aştiya niştimanî û got ku herêma Kurdistanê amadeye ji bo bicihanîna vê armancê her rokelê jê bê daxaz kirin bilîze.